[prenta uppsett í dálka] 46. fundur, 127. lþ.
Einar Oddur Kristjánsson (andsvar):
Herra forseti. Ég hef áður minnst á það í þessum ræðustól að Alþýðusamband Íslands hefur gengið fram af mikilli ábyrgð í launamálakröfum sínum allan síðasta áratug, allir farið þar saman og samið með tilliti til hagsmuna þjóðfélagsins í heild.
Ríkisstarfsmenn hafa ekki haft uppi þau vinnubrögð. Þeir hafa farið í hverju félagi fyrir sig, hvert og eitt, að krefjast launa fyrir sig og umbjóðendur sína í engum takti við það sem verkafólk þessa lands hefur sætt sig við. Það eru þessi vinnubrögð og þessi saga sem ég er að vekja athygli á til að biðja menn að forðast að halda þeim áfram.
