Jóhanna Sigurðardóttir:
Herra forseti. Hér er verið að leggja til að tekið verði upp sérstakt frítekjumark í fjármagnstekjuskatti um leið og fjármagnstekjuskattur verður hækkaður úr 10% í 16%. Þetta sérstaka frítekjumark mun leiða til þess að í stað 78 þúsund einstaklinga sem greiða nú fjármagnstekjuskatt miðað við álagningu í ár mun þeim fækka um 55 þúsund og verða 22 þúsund. Þessi leið mun líka minnka þann mikla mun sem er á skattlagningu á fjármagni og launum. Við teljum mikla eðlilegra að fara þessa leið og hún gefur líka auknar tekjur um 1.700 millj. í ríkissjóð. Þá þurfum við ekki að fara þá leið sem stjórnarflokkarnir velja sem er hækkun á tryggingagjaldi sem kemur sér verulega illa fyrir landsbyggðina og lítil og meðalstór fyrirtæki.