[prenta uppsett í dálka] 47. fundur, 127. lþ.
Vilhjálmur Egilsson:
Virðulegi forseti. Þessi hækkun á tryggingagjaldinu er beiskur moli sem þarf að kyngja til þess að geta fengið þessa tvo sætu sem eru í pakkanum líka. Þess vegna styð ég þessa hækkun.
Ég vísa hins vegar á bug öllu þessu landsbyggðartali hjá samfylkingarmönnum vegna þess að fyrir liggur tillaga þeirra um að nota auðlindaskatt til þess að fjármagna lækkun tekjuskatts. Milljarður í auðlindaskatt til þess að fjármagna lækkun tekjuskatts þýðir 500 millj. kr. tilflutning frá landsbyggðinni á höfuðborgarsvæðið.
