[prenta uppsett í dálka] 47. fundur, 127. lþ.
Einar Már Sigurðarson:
Herra forseti. Hér gerum við í 1. minni hluta fjárln. tillögu um það að fresta framkvæmdum á stjórnarráðsreit á árinu 2002 og leggjum til að sú fjárhæð sem er inni í fjárlagafrv., 250 millj., sé dregin af og fari engir peningar til þessara framkvæmda. Það er m.a. hægt að benda á að á þessu ári var öllum áætlunum breytt miðað við það sem hér var lagt til við afgreiðslu fjárlaga þessa árs því að í fjárlögum þessa árs var m.a. verið að kaupa hús á þessum merka reit sem átti að breyta í skrifstofu fyrir Stjórnarráðið en nú hefur verið ákveðið að rífa húsið og byggja nýtt. Þess vegna, herra forseti, segi ég já við þessari tillögu.
