[prenta uppsett í dálka] 49. fundur, 127. lþ.
Þuríður Backman:
Herra forseti. Hér er verið að fjalla um frv. til laga um breytingu á lögum um gjald af áfengi, með síðari breytingum, frá 1995. Samhliða því er lagt fram frv. til laga um breytingu á tollalögum, eins og fram hefur komið.
Ég vil láta það koma fram að þessar lagabreytingar eru til komnar vegna tilskipunar vegna EES-samningsins. Okkur ber að fella niður tolla af tóbaki um næstu áramót. Í stað þess verður tekið upp sérstakt tóbaksgjald. Ég trúi því að þetta fyrirkomulag muni auðvelda okkur að stýra verði á tóbaki með hliðsjón af heilbrigðismarkmiðum og gera hæstv. heilbrrh. auðveldara að framfylgja stefnu okkar í heilbrigðismálum. Ég held að þessi breyting geti orðið til góðs.
