[prenta uppsett í dálka] 54. fundur, 127. lþ.
Kolbrún Halldórsdóttir:
Herra forseti. Í 1. gr. þessa frv. er verið að leggja til skerðingu á lögbundnum tekjustofni Endurbótasjóðs menningarstofnana og það ekki í fyrsta sinn sem slík skerðing er lögleidd. Niðurskurðurinn setur í uppnám viðhald merkilegustu bygginganna í húsasafni Þjóðminjasafns Íslands og sviptir torf- og steinhleðslumenn atvinnu sinni næsta sumar. Þar að auki bitnar niðurskurðurinn á löngu bráðnauðsynlegum viðgerðum á ytra byrði Þjóðleikhússins og á framkvæmdastyrkjum til byggðasafna út um allt land. Með þessum niðurskurði er ríkisstjórnin að gera að engu eigin yfirlýsingar um gildi menningartengdrar ferðamennsku.
Vinstri hreyfingin -- grænt framboð getur ekki stutt niðurskurð af þessu tagi. Ég segi nei.
