[prenta uppsett í dálka] 55. fundur, 127. lþ.
Kolbrún Halldórsdóttir:
Herra forseti. Vinstri hreyfingin -- grænt framboð er hlynnt skilvirkum umhverfisgjöldum og er þeirrar skoðunar að löngu tímabært sé að koma á heildstæðri stefnu í þeim efnum. Þingmenn Vinstri hreyfingarinnar -- græns framboðs fagna því fram komnum yfirlýsingum hæstv. umhvrh. um að þetta þing taki fyrir slíka stefnumörkun í væntanlegri lagasetningu um úrvinnslugjald og spilliefnagjald. Eingöngu í ljósi þess styðjum við að gjaldtaka sú sem hér er til umfjöllunar verði felld niður.
