[prenta uppsett í dálka] 56. fundur, 127. lþ.
Þuríður Backman (andsvar):
Herra forseti. Vinstri hreyfingin -- grænt framboð styður frv. með þeim skýringum sem fram komu í nál. en gerir mjög ákveðinn fyrirvara á gjaldtökuákvæðum frv. Framhaldið er í höndum hæstv. ríkisstjórnar þar sem greiðsluþátttaka fólks með heyrnar- og talmein ræðst af þeim reglugerðum sem settar verða í kjölfar nýrrar lagasetningar og af því fjármagni sem lagt verður til málaflokksins. Heyrnar- og talmeinastöðin hefur veitt góða og ódýra fagþjónustu og þá þjónustu verður að styrkja svo stofnunin geti veitt sérfræðiþjónustu út um allt land. Því segi ég já.
