Viðskiptaráðherra (Valgerður Sverrisdóttir):
Hæstv. forseti. Ég mæli sem viðskrh. fyrir frv. til laga um breytingu á lögum nr. 2/1995, um hlutafélög, með síðari breytingum.
Í frv. þessu um hlutafélög, sem flutt er samtímis þremur öðrum frv. á sviði félagaréttar, er m.a. gert ráð fyrir vissum breytingum sem snerta ákvæði um ársreikninga vegna þróunar í löggjöf um ársreikninga. Þykir ekki þörf á að útskýra það betur nú heldur vísast til frv.
Þá er gert ráð fyrir nokkrum öðrum minni háttar breytingum á lögum um hlutafélög. Varða þær ma.a. heimild til skráningar á erlendu auðheiti, afnám sérstakrar tilkynningarskyldu til hlutafélagaskrár og samlagshlutafélög.
Hæstv. forseti. Ég tel ekki ástæðu til þess að fara sérstaklega í einstakar greinar frv., en verði það óbreytt að lögum er ekki gert ráð fyrir að það hafi áhrif á útgjöld ríkissjóðs.
Ég vænti þess að frv. verði að lokinni þessari umræðu vísað til efh.- og viðskn. og 2. umr.