[prenta uppsett í dálka] 83. fundur, 128. lþ.
Rannveig Guðmundsdóttir:
Virðulegi forseti. Hér er hreyft brýnu máli er varðar hagsmuni neytenda. Árið 1999 var skilað skýrslu um stefnumörkun í málefnum neytenda sem þáv. viðskrh. hafði sett á laggirnar. Þar er einmitt fjallað um umboðsmann neytenda og kemur fram að Samkeppnisstofnun geti ekki tekið afstöðu til hagsmunagæslu fyrir einn aðila markaðarins gegn öðrum. Bent er á að það séu fyrst og fremst hagkvæmnisrök að baki því að neytendamáladeild sé undir Samkeppnisstofnun.
Við höfum staðið okkur illa í þessum málum, virðulegi forseti. Neytendasamtök á Norðurlöndunum fá 85% af sínu rekstrarfé frá ríki. Hér fá þau 15%. Það þarf að taka á í þessu máli. Fyrsta skrefið gæti verið að fara yfir þessa skýrslu.
