[prenta uppsett í dálka] 95. fundur, 128. lþ.
Fyrirspyrjandi (Lára Margrét Ragnarsdóttir):
Hæstv. forseti. Ég vil fá að þakka heilbrrh. fyrir gott svar og fyrir hans jákvæðu viðbrögð í þessu máli frá upphafi. Samkvæmt nýlegum upplýsingum mínum hefur þessi nefnd komið saman formlega í tvö eða þrjú skipti á undanförnum vikum og starfið er rétt hafið. Þess vegna hef ég töluverðar áhyggjur af því að áfangaskýrslu muni ekki verða skilað á tilsettum tíma en vonandi mun þó ráðherrann sjá til þess að svo verði gert og enn fremur að lokaskýrslu verði skilað á þeim tíma sem ályktunin nefnir.
