[prenta uppsett í dálka] 96. fundur, 128. lþ.
Halldór Blöndal:
Herra forseti. Það frv. sem nú er verið að greiða atkvæði um er byggt á samkomulagi sem gert hefur verið milli ríkis og sveitarfélaga um breytingar á fjármálalegum samskiptum ríkis og sveitarfélaga og var undirritað 4. desember sl. Í því samkomulagi er gert ráð fyrir að stjórnir sjúkrahúsa, eins og þær hafa verið, skuli ekki skipaðar. Ég er þeirrar skoðunar að rétt sé að í deildaskiptum sjúkrahúsum eins og á Akureyri, sem er háskólasjúkrahús, sé skipuð sérstök stjórn með skilgreindu hlutverki í samræmi við þá stöðu sem sjúkrahúsið hefur rétt eins og stjórn verður áfram yfir Landspítalanum -- háskólasjúkrahúsi.
Ég sé ekki ástæðu til að standa gegn því samkomulagi sem hér hefur verið gert en lýsi yfir þeim vilja mínum að ég tel rétt að sérstök stjórn sé yfir Sjúkrahúsinu á Akureyri eins og sérstök stjórn er yfir Landspítalanum.
