Jóhann Ársælsson (andsvar):
Hæstv. forseti. Ég gæti tiltekið einn þátt þessa máls, t.d. afleiðingar af nýtingu lífríkisins í hafinu sem fer fram með alls konar stórvirkum vinnuvélum, trollum og alls konar tækjum. Mikil mengun getur hlotist af og mikil umhverfisröskun á hafsbotni. Lífríkið hefur auðvitað verið skemmt mjög mikið víða. Mér finnst að eftirlitið þarna ætti að vera í höndum umhvrn. og menn þyrftu að fara að hugsa þessi mál frá nýju sjónarhorni. Þetta er eitt af því sem mér finnst skipta mestu máli í sambandi við mengun og umgang um lífríki hafsins. Það hlýtur að verða hluti af umræðunni þegar verið er að tala um hluti af þessu tagi.