Drífa Hjartardóttir:
Herra forseti. Ég þakka fyrirspyrjanda fyrir þessa fyrirspurn og hvað hv. þm. Helga Halldórsdóttir hefur vakið mikla athygli á því mikilvæga starfi sem fer fram hjá fósturforeldrum í sveit. Athyglisvert var að heyra svarið frá hæstv. ráðherra, að 71 barn á skólaskyldualdri dvelji í sveitum landsins. Ég tek undir hvað það er mikilvægt að allar upplýsingar og allt upplýsingaflæði sé gott á milli heimilanna, skólanna og þeirra stofnana sem koma börnunum fyrir.