[prenta uppsett í dálka] 43. fundur, 128. lþ.
Guðjón A. Kristjánsson:
Herra forseti. Frekar er ég ósáttur við þessi svör. Það er einfaldlega svo að við höfum stutt mjög rækilega við þorskeldið, m.a. hefur sjútvrn. beitt sér fyrir því að á Alþingi hafa verið sett lög og tillaga ráðuneytisins var samþykkt í þá veru að úthluta 500 tonnum á ári, fimm ár í röð, til þeirra sem eru í þorskeldi. Þetta er auðvitað, ef á það er litið, beinn fjárhagslegur styrkur.
Ég verð að lýsa undrun minni á því ef hæstv. ráðherra sér ekki sérstaka ástæðu til þess að leggja þessu máli lið. Hér er ekki um mikla fjármuni að ræða, 10 millj. mundu sjálfsagt duga vel í þetta verkefni til þess að koma því áfram.
