[prenta uppsett í dálka] 44. fundur, 128. lþ.
Forseti (Halldór Blöndal):
Ég vil vekja athygli hv. alþingismanna á því að forsætisráðherra Rúmeníu, Adrian Nastase, er staddur á þingpöllum ásamt fylgdarliði. Forsætisráðherra Rúmeníu er hér á landi í opinberri heimsókn í boði forsrh., Davíðs Oddssonar.
Ég vil fyrir hönd Alþingis bjóða forsætisráðherra Rúmeníu velkominn í Alþingishúsið og ég vænti þess að heimsókn hans til Íslands verði til þess að styrkja þau tengsl sem eru á milli landa okkar. Alþingi vottar forsætisráðherra Rúmeníu og rúmensku þjóðinni vináttu og virðingu.
Ég bið hv. alþingismenn að taka undir orð mín með því að rísa úr sætum. --- [Þingmenn risu úr sætum].
