Frsm. 2. minni hluta fjárln. (Jón Bjarnason) (andsvar):
Herra forseti. Það er ljóst að skinnið er mjög þunnt á hæstv. fjmrh. enda skil ég það. Jafndapurleg er framkoma hans hér gagnvart þessum stóra og mikilvæga málaflokki. Þetta eru skilaboð hæstv. fjmrh. til landsmanna allra um hvaða hug hann ber til fjármögnunar í byggðamálum. Hann skeytir ekki um samþykktir Alþingis eða samstarfsflokksins í ríkisstjórn eða vilja hæstv. iðnrh. Hann gerir bara það sem honum sýnist. Það skal ekki meira fjármagn í byggðamálin.