[prenta uppsett í dálka] 47. fundur, 128. lþ.
Sverrir Hermannsson (andsvar):
Herra forseti. Mér dettur ekki í hug að bera blak af Hafrannsóknastofnuninni. Ég hef verið stórlega óánægður og gagnrýninn á mörg verk hennar. En að ég geti samfylkt vini mínum hv. þm. Einari Oddi Kristjánssyni í aðför hans að þeirri stofnun er fráleitt, enda er það gersamlega út í hött hvernig hann hefur veist að þeirri stofnun.
Ég spyr hv. þm. --- hann kemur þá að því í ræðu sinni af því að hann er búinn með andsvörin --- ef þetta hefur gengið svona til í 30 ár og við erum að færast úr eldinum í öskuna með þessum ósköpum undir ráðstjórn Hafrannsóknastofnunar og honum verður ekkert ágengt nema bara með vængjabusli á landsfundum Sjálfstfl., því skilur hann ekki við þetta apparat og kemur með mér í sóknina?
