[prenta uppsett í dálka] 48. fundur, 128. lþ.
Ásta R. Jóhannesdóttir (andsvar):
Herra forseti. Mig langar til að spyrja hæstv. ráðherra örfárra spurninga vegna þessa máls.
Nú er það svo að sveitarfélögin telja sig verða af um 1 milljarði vegna fjölgunar á einkahlutafélögum. Ég vil spyrja hæstv. ráðherra hvort það muni verða brugðist við því.
Síðan eru nokkur atriði sem varða verkefnaflutninginn, t.d. í sambandi við framhaldsskólana, hvort hæstv. ráðherra geti upplýst okkur um það hvenær gengið verði frá því.
Síðan vildi ég spyrja hæstv. ráðherra: Er gert ráð fyrir að reglum um úthlutun úr jöfnunarsjóðnum verði að einhverju leyti breytt í kjölfar þessa frv.? Og munu einhverjar greiðslur koma úr jöfnunarsjóðnum vegna húsaleigubóta?
Í síðasta lagi vildi ég spyrja hæstv. ráðherra hvort öll sveitarfélög muni verða jafnsett eftir þessa breytingu.
