[prenta uppsett í dálka] 51. fundur, 128. lþ.
Ögmundur Jónasson:
Herra forseti. Með því að samþykkja þessa brtt. yrði ríkissjóði aflað 300 millj. kr. á komandi ári. Um er að ræða svokallaðan hátekjuskatt sem ríkisstjórnin og stjórnarmeirihlutinn hér á Alþingi er að lækka um 2 prósentustig jafnframt því sem skattleysismörk hátekjuþrepsins eru hækkuð upp í rúmar 340 þús. kr. fyrir hvern einstakling. Þetta er síðan innheimt með því að stíga á bremsuna gagnvart því fólki sem býr við lökustu kjörin. Vel innan við helmingur af þeirri upphæð sem ríkisstjórnin er núna að gefa hátekjufólki í jólagjöf hefði nægt til að fjármagna tillögur Vinstri hreyfingarinnar -- græns framboðs um desemberuppbót upp á 36 þús. kr. fyrir atvinnulaust fólk. Þessi atkvæðagreiðsla gefur okkur innsýn í forgangsröð þingsins.
