Heilbrigðisráðherra (Jón Kristjánsson) (andsvar):
Herra forseti. Ég kannast ekki við að hafa oftúlkað neitt í framsöguræðu minni, alls ekki. Þau orð sem hv. 3. þm. Norðurl. e. vitnaði til voru óbreytt í framsöguræðu minni. Ég hef ekki oftúlkað neitt. Ég sagði einfaldlega að við værum að breyta hér um vegna þess að samkomulagið kallar á breytingar. En breytingarnar, að leggja niður stjórnirnar, eiga rætur í allt öðru lagafrumvarpi. Það kom fram í framsöguræðu minni. Hefði hv. þm. hlustað hefði hann numið þetta en ég vona að hann nemi það að lokum.