Heilbrigðisráðherra (Jón Kristjánsson) (andsvar):
Herra forseti. Ég biðst afsökunar á að hafa gleymt fyrirspurn hv. þingmanns um heilsugæsluna á höfuðborgarsvæðinu. Þetta mál hefur í sjálfu sér ekki áhrif á það. Stefna ráðuneytisins í málefnum heilsugæslunnar hér og stefna mín er sú að sameina eigi heilsugæslustöðvar þar sem það leiðir til hagkvæmni og betri þjónustu fyrir notendurna. Það á að vera útgangspunkturinn í þessu en þetta mál hefur í sjálfu sér ekki áhrif á sameiningu á höfuðborgarsvæðinu
Varðandi það að heilsugæslan fari til sveitarfélaganna er það auðvitað mál sem má ræða. Við höfum samt ekki tekið afstöðu til þess á þessu stigi og það er ekki hluti af þessu máli.