[prenta uppsett í dálka] 54. fundur, 128. lþ.
Lára Margrét Ragnarsdóttir (andsvar):
Hæstv. forseti. Ég vildi bara ítreka fyrirspurn mína vegna þess að ég hef talið eðlilegt að ekki sé eingöngu gerður samanburður milli Landspítala -- háskólasjúkrahúss og sjúkrastofnana á erlendri grundu, heldur einnig smærri sjúkrahúsa. Þar verðum við með blandaða þjónustu og ef ný lög um heilbrigðisþjónustu fela það í sér að fjármunir muni fylgja sjúklingi verður okkur eflaust gert auðveldara. Þá mætti samt íhuga hvort þetta frv. ætti ekki að bíða til þess tíma að við sjáum fram á heildarlög um heilbrigðisþjónustu.
