Árni Steinar Jóhannsson (um atkvæðagreiðslu):
Virðulegi forseti. Miðað við það fiskveiðistjórnarkerfi sem núverandi stjórnarmeirihluti styðst við leggst ég ekki gegn því að þetta fyrirkomulag verði haft á. Byggðakvótar eru til styrkingar og að færa yfir á milli ára miðað við þetta kerfi sem við búum við er ekki andstætt þeim hugmyndum sem við höfum um styrkingu byggða og í þorskeldismálum því styðjum við þetta frv.