[prenta uppsett í dálka] 59. fundur, 128. lþ.
Halldór Blöndal (andsvar):
Herra forseti. Ég hef verið í nánu samstarfi við hreppsnefnd Hríseyjar um atvinnumál þeirra. Ég hef reynt að berjast fyrir þeim málum sem þar eru en gengið misjafnlega.
Ég ætla á hinn bóginn að segja við hv. þingmann að hann á að venja sig af því að vera með skæting til annarra þingmanna út af fundum sem þeir halda sameiginlega með íbúum í því kjördæmi þar sem hann er og reyna að koma kurteislega fram við þingmenn eftir á og vera ekki að skensa þá annars staðar fyrir fundi sem þeir áttu, t.d. í þessu tilviki í Hrísey, og temja sér kurteisi að þeim hætti og þroskuð vinnubrögð í stjórnmálum.
