[prenta uppsett í dálka] 0. fundur, 129. lþ.
Ögmundur Jónasson (andsvar):
Herra forseti. Mér finnst þetta nú alveg á mörkunum. Við erum að taka afstöðu til álitamála sem fyrir okkur eru lögð. Ég er að leggja spurningu fyrir hv. þingmann og hún er þessi: Er réttmæt sú ákvörðun tveggja yfirkjörstjórna að hafna því að Vinstri hreyfingin -- grænt framboð fái bókstafinn V, að það sé viðurkennt á sama hátt og gerðist í fjórum kjördæmum öðrum? Við erum væntanlega að taka afstöðu til þessa álitamáls. Er það rétt eða er það rangt að hafna bókstafnum V fyrir Vinstri hreyfinguna -- grænt framboð? Þetta er hið efnislega álitamál sem var á borðum okkar í dag.
Ég er að spyrja: Hvað er rétt og hvað er rangt í þessu efni?
