Ásta R. Jóhannesdóttir:
Herra forseti. Bara nokkur orð um frv. til laga sem hér kemur fram í stuttum bandormi. Ég get ekki annað en lýst stuðningi við málið. Þar sem ég á sæti í iðnn. vildi ég lýsa því yfir að ég geti ekki séð annað en að í þessu máli sé fólgin bæði hagkvæmni og sparnaður og ekki nema til hagræðis fyrir þá sem þurfa á þeim upplýsingum að halda sem eru í ELS-tíðindunum, og menn ættu að fá tíðindin fyrr. Þeir sem vilja fá þetta í prentuðu formi geta fengi útprentun eins og hæstv. ráðherra benti á. Ég get því ekki séð annað en að verið sé að fylgja tíðarandanum og taka tæknina til notkunar á sem hagkvæmastan hátt. Ég lýsi því stuðningi við þetta ágæta mál.