Sigurður Kári Kristjánsson (andsvar):
Virðulegi forseti. Ég þakka fyrir þetta svar. En mig langar þá til að umorða spurningu mína. Það er ljóst að starfshópnum er ætlað mjög umfangsmikið verkefni við endurskoðun á þeim þáttum sem tillagan nær til. Það er ljóst að ef tillagan verður samþykkt þarf þessi starfshópur sem skipaður verður fjölda fólks að fara út í mikla vinnu.
Því spyr ég: Hefur hv. flm. og þingflokkur Samf. lagt það niður fyrir sér eða kannað hver kostnaðurinn við vinnu nefndarinnar muni vera, hversu mikill þessi kostnaður muni vera?
Í öðru lagi: Hverjum er ætlað að greiða þann kostnað sem til fellur vegna starfa nefndarinnar?