Viðskiptaráðherra (Valgerður Sverrisdóttir) (andsvar):
Hæstv. forseti. Þarna hefur verið um einhvern misskilning að ræða af minni hálfu og biðst ég afsökunar á því. Ég vil hins vegar segja að mér hafa ekki borist þau skilaboð frá Sambandi sparisjóða að þeir vilji að það ákvæði í lögum, að heimilt sé að breyta sparisjóðum í hlutafélög, verði numið úr gildi. Það er ég að heyra í fyrsta skipti, ef það er í raun vilji Sambands sparisjóða.