[prenta uppsett í dálka] 63. fundur, 130. lþ.
Drífa Hjartardóttir:
Herra forseti. Það er óhætt að segja að við þingmenn í Suðurk. höfum miklar áhyggjur af þessu máli. Við stöndum frammi fyrir því að Ljósheimar eru á undanþágu sem er komin nánast að dagsektum og það væri mjög slæmt ef farið yrði í kostnaðarsamar lagfæringar á því húsnæði því að það húsnæði hentar engan veginn fyrir hjúkrun. Og það er afar mikilvægt að öldrunardeildin fái forgang í þeirri nýframkvæmd sem á að fara fram og ég brýni hæstv. heilbrrh. áfram í þessu mikilvæga máli, að farið verði að framkvæma fyrir þó það fjármagn sem er ætlað í þetta, sem er um 150 millj., og farið verði að vinna að þessu máli af krafti og helst að ráðherra fari að taka fyrstu skóflustunguna.
