Jóhanna Sigurðardóttir (um atkvæðagreiðslu):
Herra forseti. Við fulltrúar Samf. í félmn. skiluðum minnihlutaáliti um þetta frv. Ástæða þess er að við leggjumst gegn ákvæðum 3. mgr. 2. gr. frv. sem kveður á um að lögin taki ekki til starfsmanna ríkis og sveitarfélaga sem fá greitt tímakaup, en við lítum svo á að það sé ekki í samræmi við tilskipun um hlutastörf sem verið er að innleiða með þessum lögum og hún heimili ekki að undanskilja tímavinnufólk frá ákvæðum laganna og það er í samræmi við álit ASÍ og BSRB í þessu máli.