Staðfesting samninga um loðnustofninn á hafsvæðinu milli Grænlands, Íslands og Jan Mayen

[14:40]

Utanríkisráðherra (Halldór Ásgrímsson) (andsvar):

Herra forseti. Mér er ekki kunnugt um að neinar slíkar tilkynningar hafi farið milli íslenskra og norskra stjórnvalda. Eftir því sem ég best veit og hef verið upplýstur um þetta mál þá gerði norska strandgæslan athugasemdir við tiltekið skip sem tók athugasemdunum með þeim hætti að gera þyrfti lagfæringar á vinnslubúnaði skipsins. Eftir því sem ég best veit hefur ekkert annað átt sér stað í þessu máli.