Halldór Blöndal (andsvar):
Frú forseti. Það er hálfraunalegt að heyra hvernig hv. þm. beitir orðum sínum í þá veru að reyna að egna menn til ófriðar heima í héraði. Hann talar um málið með slíkum hætti. Ég hef eins og hann átt góða vini á þessum slóðum. Þeir tala með allt öðrum hætti en þessi hv. þm. Svo kemur hann hér og talar eins og á bak við orð hans standi í einni fylkingu allir íbúar Mývatnssveitar, Aðaldals, Húsavíkur, allrar Þingeyjarsýslu. Það er síður en svo.
Við erum að tala um úrlausnarefni sem heimamenn vilja að tekist verði á við. Það er um það sem menn ræða. Í þessum sölum er enginn að tala um stríð nema hv. þm.