Sigurjón Þórðarson (andsvar):
Herra forseti. Hv. þm. Mörður Árnason líkir Mývatnssvæðinu við Öxará, Gullfoss og Geysi. Hæstv. umhvrh. hefur tekið undir sérstöðu svæðisins. Í framhaldi af því er rétt að spyrja hv. þm. hvort það megi beita sömu röksemdafærslu og hæstv. umhvrh. notar á fleiri svæði, t.d. hvort telja megi nauðsyn á að fara út í umhverfismat á Öxará og Gullfossi. Mætti beita sömu röksemdafærslu á þeim svæðum og beitt er í þessu máli?
Ég get tekið undir það að ég átta mig ekki á röksemdafærslu hæstv. ráðherra hvað varðar umhverfismatið.