Guðlaugur Þór Þórðarson:
Virðulegi forseti. Eins og komið hefur fram urðu miklar deilur um þetta mál. Hv. þm. Ögmundur Jónasson beitti sér mikið í málinu og ég vildi af því tilefni taka fram að ég tel að hv. þm. Ögmundur Jónasson sé alls ekki vanhæfur til að taka þátt í því þrátt fyrir að hann sé starfsmaður í hlutastarfi hjá hinu opinbera. En það verður að segjast eins og er að það kom mér nokkuð á óvart að sjá engar athugasemdir frá þingmönnum Samfylkingarinnar þar sem hv. þm. er væntanlega í sömu stöðu og hv. þm. Pétur Blöndal í öðru máli sem við þekkjum vel. Ég styð ekki þessa brtt. og segi nei.