Mörður Árnason:
Forseti. Hringvegurinn hefur auðvitað ákveðna sérstöðu í hugum manna vegna þess að hann skipti miklu máli árið 1974, bæði fyrir álit manna á samgöngumálum á Íslandi og fyrir ferðamöguleika sem þangað til voru lokaðir, og það er æskilegt að klára að setja bundið slitlag á hringveginn. Við ákvarðanir í framtíðinni um samgöngumál verður þó að miða fyrst og fremst við það hvar arðsemin er mest og hvar skynsamlegast er að bæta samgöngur fyrir sem stærstan hluta landsmanna.