[prenta uppsett í dálka] 80. fundur, 130. lþ.
Guðmundur Árni Stefánsson:
Frú forseti. Það var að frumkvæði jafnaðarmanna á sínum tíma, í upphafi tíunda áratugarins, að EES-samningurinn varð að veruleika. Um það voru miklar deilur á hinu háa Alþingi og þingheimur klofinn. Nú liggur það hins vegar ljóst fyrir, má segja á fermingarafmæli EES-samningsins þar sem staðfesta má skírnina, að umbreytingar hafa orðið og þingheimur allur hefur áttað sig á því að við jafnaðarmenn höfðum rétt fyrir okkur á þeim tíma og höfum það enn þá enn þann dag í dag. Vitaskuld segi ég já, frú forseti.
