[prenta uppsett í dálka] 81. fundur, 130. lþ.
Valdimar L. Friðriksson:
Herra forseti. Ég vil byrja á því að þakka hv. fyrirspyrjanda, Jóni Kr. Óskarssyni, fyrir að brydda upp á þessu máli. Ég tel það vera algjöra nauðsyn að bjóða upp á kennslu í ræðumennsku og tjáningu strax í grunnskólum landsins. Það hefur oft verið vandamál hjá þessari þjóð að hún er talin lokuð og þarna gætum við allavega bætt eitthvað úr.
Það er rétt að minna á að dans er viðurkenndur sem íþrótt í dag og líkt og aðrar íþróttir hefur dans, jafnt sem tjáning, mikið forvarnagildi. Við skulum hafa það í huga að allar forvarnir, hverjar sem þær eru, fela í sér útgjaldasparnað. Ef ekki strax í dag þá alla vega í framtíðinni.
