[prenta uppsett í dálka] 82. fundur, 130. lþ.
Jón Kr. Óskarsson:
Hæstv. forseti. Atli Gíslason taldi sig hafa komið mjög seint að þessu máli. Ég kom enn þá seinna. Ég sé samt ástæðu til að velta upp tveim spurningum.
Í umsögn fjárlagaskrifstofu fjmrn. um frv. segir, með leyfi forseta:
,,Í 5. mgr. 4. gr. segir að Landhelgisgæslan sjái um eftirlit á hafsvæðum umhverfis Ísland og Siglingastofnun Íslands annist eftirlit með búnaði skipa vegna mengunarvarna. Ekki er reiknað með auknum kostnaði af þessu.``
Ég vek athygli á því að fjmrn. telur að það skapi ekki aukinn kostnað. Ég tel hæpið að þetta standist. Er gert ráð fyrir þessu í fjárlögum fyrir árið 2004? Ég vildi varpa þessu fram.
