[prenta uppsett í dálka] 88. fundur, 130. lþ.
Forseti (Halldór Blöndal):
Borist hefur svohljóðandi bréf frá 5. þm. Suðvest., Siv Friðleifsdóttur, dags. 22. mars:
,,Þar sem ég er á förum til útlanda í opinberum erindum og get því ekki sótt þingfundi á næstunni óska ég eftir því, með vísan til 2. mgr. 53. gr. þingskapa, að varamaður minn á lista Framsóknarflokksins í Suðvesturkjördæmi, Páll Magnússon, taki sæti mitt á Alþingi á meðan.``
Páll Magnússon hefur áður tekið sæti á Alþingi og er boðinn velkominn til starfa.
