Pétur H. Blöndal:
Herra forseti. Það er ekki oft sem þingheimur greiðir atkvæði um mikla einföldun á skattalögum eða lögum yfirleitt. Hér er um að ræða verulega einföldun á skattalögum, skapaður er heildstæður almennur stofn til erfðaskatts án undantekninga, verulega lækkun prósentu sem kemur venjulegu fólki til góða með íbúðina sína eða húsið sitt. Lagfært er misræmi sem skapast hefur á milli eigna í hlutabréfum og húseignum undanfarin ár. Ég er mjög ánægður með þessa breytingu, einföldunina og lækkunina á skattstofninum og segi já.