Heilbrigðisráðherra (Jón Kristjánsson) (andsvar):
Herra forseti. Það er rétt að heilbr.- og trn. kalli eftir upplýsingum í vinnslu málsins, en eftir þeim upplýsingum sem ég hef munu þær liggja fyrir í kerfi Tryggingastofnunar og þarf að draga upplýsingarnar út á þann hátt sem samrýmist reglum um persónuvernd. Annars er einboðið að nefndin fari yfir málið og kalli eftir upplýsingum um það.