Pétur H. Blöndal:
Frú forseti. Ég vil þakka hv. fyrirspyrjanda þessa fyrirspurn. Hún vekur athygli á því að verið er að fara út í gífurlegar fjárfestingar á sama tíma og þjóðin stendur á öndinni vegna fjárfestinga vegna álvers á Austurlandi o.s.frv. Þetta kemur því á mjög slæmum tíma þannig séð. Þetta kostar líka óhemjufé. Ég held að menn hafi ekki almennilega áttað sig á því hvað þetta kostar mikið vegna þess að það á að dylja það með því að dreifa þessu á einhverjar ársgreiðslur eins og venjan er. En auðvitað verður þessi mikla uppbygging þarna á endanum greidd af skattgreiðendum landsins. Þetta er eitt dæmi um það hvernig þrýstihópar beita kröftum sínum til þess að ná fram ákveðnum markmiðum á kostnað almennings, á kostnað skattgreiðenda. Ég vara við þessu alveg sérstaklega á þessum þenslutímum.