Fyrirspyrjandi (Valdimar L. Friðriksson):
Virðulegi forseti. Ég vil byrja á að þakka svör hæstv. ráðherra. Það er eins og mig grunaði að það stefnir í að verkið tefjist enn og aftur.
Hvað varðar mislæg gatnamót er áætlað að þau kosti 300--400 millj. Það er rétt sem Jóhann sagði að þetta kom ekki nógu skýrt fram en miðað við það sem ráðherra sagði munu breytingar sem gera þarf á áætlun þýða um 900 millj. kr. meiri kostnað. Ég spyr því einfaldlega: Þýðir það ekki alveg skýrt að verkið tefjist og muni alls ekki hefjast á þessu ári eins og áætlað var?
(Forseti (BÁ): Forseti vil áminna þingmenn um að ávarpa ekki þingmenn bara með skírnarnafni heldur annaðhvort fullu nafni eða kenna þá við kjördæmi sitt.)