[prenta uppsett í dálka] 96. fundur, 130. lþ.
Gunnar Birgisson:
Virðulegi forseti. Hv. þm. hafa fullyrt að það sé betra fyrir samfélagið að hafa stangveiði í staðinn fyrir netaveiði. Slíkar fullyrðingar þykja mér afar hæpnar. Það eru svo margir þættir sem koma við sögu.
Netaveiðar hafa verið keyptar í Hvítá í Borgarfirði og ég hvet hv. þm. til að kynna sér afkomu á laxveiðum í Hvítá, Þverá og Kjarrá í Borgarfirði eftir að netaveiðum var hætt, hvort það hafi orðið mikil aukning í afla. Það eru svo margir óvissuþættir varðandi afkomu seiðaárganganna og allt það.
Ég kannast ekki, hæstv. forseti, við gruggugt vatn í Ölfusá. Ég þekki það ágætlega og hef veitt þar mikið á stöng. Svo er annað sem má ekki gleyma að það er orðinn móður í landinu að sleppa helst öllum fiskum sem menn veiða á stöng þannig að menn þurfa ekki að hafa áhyggjur af því í framtíðinni.
