Félagsmálaráðherra (Árni Magnússon) (andsvar):
Hæstv. forseti. Ég sem félmrh. hlýt að fagna allri umræðu um jafnréttismál í landinu. Ég hef með ræðu minni hér ekki lagt dóm á einstök ummæli í þeirri umræðu, hvorki á undanförnum dögum, vikum, mánuðum né árum.
Ég fagna vissulega umræðunni. Ég tel að hún sé okkur öllum holl. Ég tel að hún muni á endanum geta leitt okkur fram um veg og að sjálfsögðu hlýtur í samfélagi okkar að vera ánægjuefni þegar til slíkrar umræðu er efnt. Í því felst ekki, hæstv. forseti, af minni hálfu álit eða dómur um nokkur þau ummæli sem fallið hafa á undanförnum dögum, vikum, mánuðum eða árum.