[prenta uppsett í dálka] 97. fundur, 130. lþ.
Jóhanna Sigurðardóttir (andsvar):
Herra forseti. Ég tek undir þau sjónarmið sem hæstv. ráðherra setur hér fram. Ég lít einnig svo á að okkur gangi það sama til, höfum það sama markmið að setja fram raunhæfar tillögur til að ná því markmiði að vinna hér gegn launamisrétti kynjanna og uppræta það á sem skemmstum tíma. Síðan munum við auðvitað skoða það á þeim dögum sem eftir eru af þinginu hvort við náum þá ekki saman um leiðir, við erum sammála um markmiðið, og það mun koma í ljós þegar við afgreiðum tillöguna frá þinginu.
