Heilbrigðisráðherra (Jón Kristjánsson) (andsvar):
Virðulegi forseti. Hér hlýtur að vera um misskilning að ræða því að frv. á að greiða fyrir samhliða innflutningi lyfja og m.a. er kveðið á um það í frv. að Lyfjastofnun geti sótt um markaðsleyfi á lýðheilsuforsendum fyrir lyf og greitt þar með fyrir innflutningi lyfja. Það er því markmið frv. að leita leiða til sparnaðar og lækkunar lyfjakostnaðar. Það er meginþemað í frv.