[prenta uppsett í dálka] 101. fundur, 130. lþ.
Guðmundur Hallvarðsson (andsvar):
Af því að hv. þm. Jónína Bjartmarz vildi halda því til haga hlýt ég að vitna til umsagnar Sambands íslenskra sveitarfélaga, með leyfi forseta:
,,Sambandi íslenskra sveitarfélaga kemur það verulega á óvart að á sama tíma og fram fer sameiginleg vinna við endurskoðun á verkaskiptingu ríkis og sveitarfélaga í heilbrigðisþjónustu hafi verið lagt fram á Alþingi frumvarp til laga sem felur í sér grundvallarbreytingar á fjármögnun stofnkostnaðar hjúkrunarheimila og auknum skyldum sveitarfélaga í þeim kostnaði.
Sambandið hafði enga vitneskju um að til stæði að leggja fram slíkt frumvarp ...``
Fram kom í máli hv. þm. Jónínu Bjartmarz áðan að hægt sé að veita sjálfseignarstofnunum sérstaka undanþágu til að þær megi koma að málinu. Sjálfseignarstofnanirnar hljóta að segja: Kærar þakkir. Hvílík gæfa að veitt skuli vera undanþága til þess.
