Forseti (Halldór Blöndal):
Ég vil að þessu gefna tilefni taka fram að sl. föstudag voru fjögur þingmannamál til umræðu. Það hefur komið fram á fundum mínum með þingmönnum að þeir hafa stundum látið í ljósi ósk um að þingfundir yrðu styttir til þess að lengri tími gæfist til nefndarstarfa en ég kannast ekki við að hafa hafnað því að eitt einasta þingmannamál væri tekið á dagskrá. Mér finnst satt að segja rétt að láta á það reyna áður en frekari ræðuhöld verða haldin.